Иран ќе одржи на 9 и 10 јуни преговори со САД во Женева, а потоа на 11 и 12 јуни со Русија во Рим, пренесува ИТАР-ТАСС, повикувајќи се на иранското министерство за надворешни работи.
Техеран планира серија прелиминарни одделни консултации со претставници на шесторката. Местото и датумот на средбите ќе бидат дополнително објавени.
Дијалогот со меѓународната шесторка ќе биде обновен на 16 јуни во Виена.
Ова е првпат Иран да води разговори надвор од рамките на преговорите со големите сили околу неговата нуклеарна програма.