(ВИДЕО) Иран лансираше втор бран ракети кон Израел: Нападите одекнуваат низ целата земја, но главната цел е Тел Авив

Од:

По обраќањето на иранскиот лидер Али Хамнеи, врз Израел беа лансирани два ракетни напади со непотврден број од вкупно 200 балистички ракети.

Иранските медиуми наведуваат дека вечервашниот напад е продолжение на операцијата „Искрено ветување 3“, без индикации на кои цели биле насочени.

Според видеата од Израел, поголемиот дел од нападите биле фокусирани на централниот дел од Израел, од кој Тел Авив бил главна цел, каде што биле регистрирани повреди кај цивилите и значителна материјална штета. Израелските одбранбени сили објавија дека нападите биле широко распространети низ целата земја.

Во Тел Авив, објект бил погоден во непосредна близина на зградата на израелското Министерство за одбрана, иако нема информации за штетата предизвикана во таа експлозија.

Паралелно со нападите со балистички ракети, се очекуваат камикази напади од беспилотни летала Шахед-136, кои, според иранските медиуми, биле лансирани против Израел.

Според американските медиуми, американски воен персонал ѝ помогнал на израелската антибалистичка одбрана да ги пресретне иранските балистички ракети што беа лансирани вечерва.

Би можело да ве интересира

Иран: Русите им ги дадоа на Израелците сите разузнавачки информации за противвоздушната одбрана

Предраг Петровиќ

Австралија: Илјадници луѓе се придружија на најголемите пропалестински и антиизраелски протести

Голема израелска офанзива во Газа, војската уништува згради, гранатира куќи и патишта

Горан Наумовски

Нетанјаху: Мојот план за преземање на Газа би можел да помогне во ослободувањето на заложниците

Израел го нападна Јемен, погодени се електрани, воен комплекс и претседателска палата

Министерство за здравство на Газа: Досега 289 Палестинци починале од глад