Ајатолахот Моџтаба Хамнеи е жив и здрав – има само површни повреди“
Иранскиот врховен водач, ајатолахот Моџтаба Хамнеи, претрпел „површни повреди“ на лицето, главата и нозете за време на нападот на американско-израелските сили на 28 февруари, кога беше убиен неговиот татко и претходен ајатолах Али Хамнеи, објави денес иранската новинска агенција ИЛНА.
Според агенцијата, повредите на Моџтаба не биле сериозни, па затоа не му бил потребен посебен третман, ниту пак ситуацијата барала ампутирање на нозете.
„Освен површинските повреди, не се случило ништо значајно, а од моја перспектива како физијатар, немало поголеми повреди што барале посебен третман, освен еден или два конци“, изјави портпаролот на иранското Министерство за здравство, Хосеин Керманпур.
Тој додаде дека Хамнеи бил отпуштен од болница следниот ден.
Претходно, западните медиуми објавија дека Хамнеи претрпел тешки изгореници на лицето, дека му биле извршени три операции на едната нога, како и дека ајатолахот чека да му се направи протетска нога.