Седум лица, меѓу кои двајца новинари се убиени од џихадисти на групата „Исламска држава“ во ирачкиот град Мукдадија, на 90 километри североисточно од Багдад.
Али ал Ансари и уште еден новинар од сателитската телевизија Ал Гадир се убиени, изјави нивниот директор Карим Фадел.
Двајца нивни колеги, Мустафа Хамид и Куса Сахиб од државната телевизија на Ирак се повредени.
Во нападот загинале вкупно седум лица. Според некои очевидци станува збор за артилериски напад врз Мудадија, додека според други за бомбардирање и борби во северниот дел на градот.