Фондот за борба против рак и стручниот центар ВАД за алкохол и дрога од Белгија започнаа иницијатива наречена „Tournée Minérale“, која ги повикува граѓаните да се откажат од алкохолот во текот на месец февруари.
Иницијативата е поддржана и од некои ресторани кои нудат различни безалкохолни коктели.
Според истражувањето на Универзитетот во Гент, лицата кои учествувале во кампањата минатиот февруари консумирале помалку алкохол од останатите месеци во годината. Засега во кампањата се пријавени околу 120 илјади луѓе, а тие изјавија дека минатата година дефинитивно пиеле помалку.
Луѓето кои секојдневно пиеле и вообичаено консумирале 10 или повеќе алкохолни пијалоци неделно, изјавиле дека по завршувањата пиеле помалку, по што бројот на пијалоци го намалиле на 8 неделно.