Основачот на SpaceX и најбогатиот човек на светот, Илон Маск, кој најпрвин им помогна на Украинците со активирање на системот Starlink кој им дава пристап до интернет, а потоа го предизвика нивниот гнев со „предлог за мир“ во кој предложи Крим да и се даде на Русија, сега се впушти во бизарен разговор на Твитер со Дмитриј Медведев, поранешниот претседател на Русија и близок сојузник на Владимир Путин.
Вчера Медведев на Твитер објави: „Збогум Лиз Трaс, честитки за салатата“, алудирајќи на вчерашната оставка на британската премиерка, чие владеење во Британија се споредуваше со времетраење на главица зелена салата.
Маск одговори: „Доволно добро тролање, да бидам искрен“.
Медведев одговори: „Се гледаме во Москва на Денот на победата“.