Извршниот директор на Tesla и близок соработник на американскиот претседател Доналд Трамп, милијардерот Илон Маск, доби уште еден син, неговото четиринаесетто дете.
Маск го доби синот со Сивон Зилис, извршен директор на компанијата „Неуралинк“, со која веќе има три деца, објави Ројтерс.
„Разговаравме со Илон и, во светлината на прекрасната роденденска прослава на Аркадија, сметавме дека е најдобро да ја споделиме веста директно за нашиот прекрасен и неверојатен син, Селдон Ликургус“, напиша Зилис на социјалната мрежа X.
Маск на нејзината објава одговори со емоџи со срце.
Нејзината објава доаѓа две недели откако инфлуенсерката Ешли Сент Клер откри дека и таа неодамна родила дете на Маск.