Движењето „Весна“ повика на протестни акции против мобилизацијата што ја најави рускиот претседател Владимир Путин, пренесува независниот руски медиум Медуза.
„Илјадници Руси – нашите татковци, браќа и сопрузи – ќе бидат фрлени во мелница за месо на војната. Зошто да умрат? Зошто мајките и децата да леат солзи?“, се наведува во соопштението на движењето.
Истото движење вчера, пред очекуваното усвојување на измените на рускиот закон во Думата, со кои се воведени термините „мобилизација“, „воена состојба“ и „воено време“, ги повика руските војници да одбијат учество во војната и да се предадат на време, пишува Данас.
Најистакнатиот руски опозициски лидер Алексеј Навални, кој моментално е во затвор, рече дека Путин испраќа повеќе Руси во смрт поради неуспешната војна, пренесува Ројтерс.
Navalny in court right now: Putin’s criminal war of aggression is getting worse. He wants to smear blood on as many people as possible. To prolong his personal power, he’s tormenting the neighboring country and throwing even more Russians into the meat-grinder that is this war pic.twitter.com/Sp87nBSkwu
— Кира Ярмыш (@Kira_Yarmysh) September 21, 2022
„Јасно е дека криминалната војна се влошува, се продлабочува, а Путин се обидува во неа да вклучи што повеќе луѓе“, рече Навални во видео пораката од затворот снимена и пуштена од неговите адвокати.
Навални додаде дека Путин сака да ја извалка крвта на стотици илјади луѓе во овој конфликт.
Да потсетиме, Владимир Путин утрово најави делумна мобилизација во Русија.
Обраќајќи им се на Русите, тој рече дека тоа е направено „за да се заштити нашата татковина, нејзиниот суверенитет и територијален интегритет, со цел да се обезбеди безбедноста на нашиот народ и народот на ослободените територии“. Само граѓаните кои се во резерва ќе подлежат на задолжителен воен рок, рече тој.