Израелските воздухопловни сили завршија бран воздушни напади врз воени цели на Хезболах во Бејрут, објавија денес Израелските одбранбени сили (ИДФ).
Според ИДФ, погодени се складишта за оружје, командни центри и опрема за сателитска комуникација што му припаѓа на разузнавачкиот оддел на Хезболах, објавува „Тајмс оф Израел“.
– Нападите беа насочени кон комуникациски објекти што терористичката организација Хезболах ги користеше како терористичка инфраструктура, која ја користеше за извршување терористички активности, собирање разузнавачки информации, а исто така и за пропагандни цели, соопшти ИДФ, откако либанските медиуми објавија дека биле цел и студијата на телевизискиот канал Ал-Манар, во сопственост на Хезболах.