ИДФ ги повикаа сите жители на Појасот Газа да го напуштат северот, особено градот Газа

Од:

Израелските одбранбени сили (ИДФ) денес ги повикаа сите жители на Појасот Газа да го напуштат северот, особено градот Газа, и да се упатат кон Ал-Маваси, крајбрежна област на југ, пред планираното проширување на воената офанзива.

Портпаролот на ИДФ, Авичаи Адраи, го упати повикот на арапски јазик на платформата X и рече дека хуманитарните услови во Ал-Маваси ќе бидат подобрени, вклучувајќи медицинска помош, вода и храна.

„Приближувањето или враќањето во конфликтни зони или области каде што дејствуваат израелските сили ги загрозува животите на цивилите“, предупреди Адраи, според „Тајмс оф Израел“.

Иако Израел објави план за целосно евакуирање на градот Газа пред три недели, проценките покажуваат дека досега само околу 10.000 луѓе се преселиле на југ, додека околу еден милион сè уште остануваат во градот.

ИДФ најавува интензивирање на борбените операции на север, што дополнително го зголемува притисокот врз цивилното население да ја напушти областа.

Би можело да ве интересира

Нема мир во Газа, за 24 часа загина над 100 луѓе

Израел ги прими останките на двајца заложници

Google и Amazon имаат таен договор со Израел за користење код за предупредување

Катерина Ѓуровски

Најмалку 90 убиени во најновиот израелски напад врз Газа

Горан Наумовски

Нетанјаху: Израел стана најмоќната сила на Блискиот Исток

Најмалку едно лице загина во израелски напад со беспилотно летало во Газа