Терористичката организација Исламска држава (ИД) обучува руски екстремисти во Авганистан, а меѓу оние кои ги обучуваат има и лица со американски и британски пасоши, изјави денеска специјалниот пратеник на рускиот претседател за Авганистан, Замир Кабулов.
– Задачата на неколку центри за обука на ИД е обучување на екстремисти од централна Азија и неколку руски области, истакна Кабулов, додавајќи дека во овие капмови обуката се врши на руски јазик.
Тој нагласи дека во центрите има различни инструктори, меѓу кои се Арапи, Пакистанци, како и луѓе со американски и британски пасоши.
Според податоците на руската разузнавачка служба, 3.500 екстремисти во Авганистан се приклучиле кон ИД, а тој број постојано се зголемува.