Едно истражување спроведено врз делфини од Атлантикот покажа дека тие исто така чувствуваат тага и жалат по угинатите членови на нивните заедници.
Научниците од Универзитетот во Порто проучувале два случаи на форми на тагување и сочуствително однесување на делфините.
Првиот случај го регистрирал оператор на туристичкиот брод кој снимил како четири возрасни делфини со своите тела и глави речиси половина час придржуваат угинато младенче, пред да го остават и да продолжат понатаму.
Вториот случај го регистиррал член на истражувачкиот тим од Универзитетот, кој видел како делфин, за кој се претпоставува дека е женка, како го придржува угинато младенче на површината на водата.
Раководителот на ова истражување Филипе Алвес изјави дека постојат записи оти делфините своите угинати потомци ги носат на грбот и на тој начин ги оплакуваат и по неколку дена.
Тој додаде дека верува оти делфините од Аталнтикот се емотивно интелегентна група, иако тоа тешко може да се докаже.
Покрај делфините и морските видри, фоките, мајмуните и слоновите, исто така, спаѓаат во групата животни што тагуваат по угинати членови на нивните заедници.