Хрватскиот воен аналитичар Анте Котромановиќ оценува дека украинските акции и нивното ослободување на територија се „брилијантен и тактички потег“.
„Ова е една од најголемите воени измами од Втората светска војна. Тие ги измамија руските сили и не ми се верува дека Русите паднаа на таква фора“, рече Котромановиќ.
-Украинската офанзива на југ се најавуваше со месеци, немаше никаков успех, а беше маневар. Украинските сили, што ни Русите не успеаја за шест месеци, успеаја да влезат во областа окупирана од Русите – додава тој.
На прашањето дали Украинците, како што сите тврдат, навистина успеале да ги измамат Русите на начин на кој најавија офанзива на југот, а потоа со сета сила го погодија истокот на земјата, Котромановиќ истакнува дека ги маскирале движењата на илјадници војници и одиграле вистинска игра.
– Тоа значи дека преминувале тајно, незабележано, ноќе, во помали групи. На такви места не е лесно да се преместат сто тенкови. Не случајно Зеленски отпушти високи функционери поради сомневање за протекување информации. Тие ја чуваа операцијата во тајност. Русија се концентрираше на југ, донесе корпус со нова опрема и тогаш ова беше изненадување – продолжува тој.
Тој вели дека тоа ќе го подигне моралот на Украинците, а испраќа порака и до Западот.
– Ова беше голем удар и тешко ќе им биде на Русите, изгубија голем дел од територијата и прашање е како Русите сега ќе реагираат. Што ќе направи Путин? Ако сакаат да надвладеат на тој простор, ќе мора да ангажираат повеќе сили, Украинците работат одлично, тренираат, добија помош од западот, тие се ротираат, а Русите не го прават тоа, заклучува хрватскиот воен аналитичар.