Во бранот политички убиства во Либија загинаа 51 човек бидејќи земјата нема ефикасен систем за спроведување на законот, соопшти денеска организацијата „Хјуман рајтс воч“ (ХРВ).
Во соопштението се истакнува дека либиските власти се уште не ги имаат уапсено осомничените за убиствата, а меѓужртвите има политички активисти, судии и припадници на безбедносните сили.
Организацијата за заштита на човековите права наведува дека убиствата се извршени во околината на источните градови Бенгази и Дарна и оти немало истрага за нив, ниту властите ги испитале очевидците.
– Отсуството на истрага покажува дека Владата не може да изгради функционален правосуден систем, се посочува во соопштението на ХРВ.
Се уште никој нема преземено одговорност за политичките убиства. Либија се обидува да ги обнови своите безбедносни агенции од граѓанската војна во 2011 година.