Синиот „Фолксваген“ од 1987 година на уругвајскиот претседател Хозе Мухика за кој еден саудиски шеик неодамна понуди милиони долари, сепак не е на проджаба.
– Никогаш не би смееле да го продадеме, бидејќи со тоа би ги навредиле сите пријатели кои ни помогнаа да го купиме, изјави Мухика, кој е познат како „најскромен лидер на светот“.
Сината „Буба“, за која Мухика на времето платил 3.000 долари, стана симбол на скромниот начин на живеење на уругвајскиот претседател, кој речиси целата своја плата ја дава во добротворни цели.
– Не знам дали еден ден „Бубата“ ќе биде продадена, но сега сум сигурен дека се додека сум жив таа ќе спие во мојата гаража, изјави Мухика за едно локално радио.
Саудискиот шеик ја даде милионската понуда за „Фолксвагенот“ на Мухика на самитот на Г77+ на почетокот на годинава во Санта Круз во Боливија. Но, тоа не беше првпат некој да пројави интерес за автомобилот на Мухика. Лани во септември мексиканскиот амбасадор во Уругвај, Фелипе Енрикес му пониди на Мухика да ја замени „Бубата“ за 10 теренски возила.