Холандскиот министер за одбрана Рубен Брекелманс денеска изјави дека американскиот претседател Доналд Трамп „не е добро информиран“ за војната во Украина.
Брекелманс рече дека смета дека изјавите на американскиот претседател се загрижувачки бидејќи тие шират дезинформации, објави NL Times.
„Треба да се погрижиме фактите да останат јасни во целата дискусија за Украина. И ова е таков факт: (рускиот претседател Владимир) Путин е диктатор, Путин ја нападна Украина, а не обратно“, рече Брекелманс.