Хезболах се закани: Ќе се одмаздиме, дупло

Од:

Пратеникот на Хезболах Али Фајад денеска изјави дека либанската милитантна група ќе одговори со двојна мера на сите израелски напади врз цивили.

Предупредувањето дојде по нападот во кој загинаа три девојчиња на возраст од 10 до 14 години и нивната баба во јужен Либан.

Членот на Хезболах во либанскиот парламент изјави на погребот на четворицата цивили кои беа убиени во неделата во јужен Либан дека Хезболах се уште не ја покажал својата вистинска сила, пренесе Ројтерс.

Либанските власти објавија дека автомобилот во кој се наоѓало семејството бил погоден во израелски напад во неделата.

Израелската војска соопшти дека трупите гаѓале возило во Либан, кое било „идентификувано како можен транспорт за терористи“ и дека ги истражува извештаите дека возилото превезувало цивили.

Израел во понеделникот соопшти дека погодил цели на Хезболах во јужен Либан како одговор на големиот налет на ракети истрелани врз градовите во северен Израел. Во судирите долж израелско-либанската граница загинаа повеќе од 60 борци на Хезболах и 10 цивили, соопштија либанските власти.

Во исто време загинаа најмалку седум израелски војници и еден цивил.

Би можело да ве интересира

Солзите на маж од Газа кој изгуби 103 членови на семејството во еден ден: За кого да се вратам

Предраг Петровиќ

(ВИДЕО) Ќе има примирје во Газа за Рамазан најави Бајден

Катерина Ѓуровски

ВИДЕО: Нетанјаху и Хамас продолжуваат со радикалните изјави, во позадина се преговара за мир

Израел испраќа тим во Париз на мировни преговори, го предводи шефот на Мосад

ВИДЕО: Напад во Ерусалим, има мртви

Катар: Хамас потврди дека го добиле лековите наменети за заложниците во Газа

Горан Наумовски