Водачот на милитантната група Хезболах во Либан, Саид Хасан Насралах денеска изјави дека израелското прекугранично гранатирање ќе заврши кога ќе заврши агресијата на Тел Авив врз Појасот Газа.
Насралах се закани дека ќе принуди повеќе жители на северен Израел да се преселат од областа и дека ако израелската армија ја прошири војната, Хезболах ќе возврати, пренесува Ал Џезира.
– Западните делегации кои го посетија Либан имаат една цел, да добијат безбедносни гаранции за Израел за да можат „100.000 доселеници“ да се вратат во своите домови, рече тој.
Насралах тврди дека делегациите не дејствуваат како посредници, туку ги презентираат предлозите на Израел и очекуваат Хезболах да ги прифати.
Се бараат гаранции од Хезболах, вели нивниот лидер, додека делегациите не дадат гаранции дека Израел ќе се повлече од граничните територии за кои тврди дека се окупирани.
Тој посочи дека Израел не е во позиција да наметнува услови, додека ситуацијата во Либан е спротивна.