Либанскиот премиер Саад Харири денеска имаше телефонски разговор со американскиот државен секретар Мајк Помпео, како и со советник на францускиот претседател Емануел Макрон, апелирајќи на меѓународната заедница да ја смири ситуацијата меѓу Израел и Хезболах.
Екстремистите од Хезболах вчера истрелаа бараж противтенковски ракети врз територијата на Израел, што предизвика одговор од изралески артилериски оган во ретко видека рафална борба на непомирливите непријатели, пренесоа американските медиуми.
Иако пукањето брзо замре и немаше жртви ниту на една од страните, ситуацијата останува нестабилна.
Американската мировна мисија во јужен Либан, попозната како УНИФИЛ, соопшти дека е во контакт со сите страни и повика на воздржаност.
Портпаролката на ОН, Андреа Тененти, изјави дека „во ова подрачје мирот е вратен“, а американските мировни сили го оддржуваат своето присуство на теренот заедно со либанската армија.
Израелски официјални претставници наведоа дека нивните сили остануваат во состојба на зголемена борбена готовност.
-Наредив да бидеме подготвени за било какво сценарио. За следните чекрои ќе одлучиме според развојот на настаните, рече израелскиот премиер Бенјамин Нетанјаху.