Иранскиот врховен лидер Моџтаба Хамнеи предупреди дека земјите од Блискиот Исток повеќе нема да служат како штит за американските воени бази во регионот. Неговата порака беше објавена по повод хаџот, годишното исламско поклонение во Мека во Саудиска Арабија.
– Нема враќање во старите времиња, а народите и земјите од регионот повеќе нема да бидат штит за американските бази. Америка повеќе нема да има безбедно засолниште во регионот за интриги и воспоставување воени бази, рече Хамнеи.
Ова е една од ретките изјави на Хамнеи откако започна војната во која загина неговиот татко, поранешниот врховен лидер. Според достапните извештаи, самиот Моџтаба Хамнеи бил повреден во нападите и оттогаш не се појавил во јавноста, зборувајќи само преку писмени изјави.