Исламистичкото движење Хамас нема да ја признае државата Израел и по формирањето на палестинската влада на национално единство, изјави политичкиот лидер на Хамас во Појасот Газа, ал Захар.
Тој истакна и дека вооружените формации во Појасот Газа нема да бидат под контрола на палестинскиот претседател Махмуд Абас.
Ал Захар посочи дека Абас ја пролонгира имплементацијата на договорот за формирање на експертска влада на Организацијата за ослободување на Палестина и Хамас. Договорот постигнат во текот на месецот треба да стави крај на внатрешнополитичкиот конфликт од 2007 година од кога Појасот Газа е под контрола на исламистите.