Хамас ги отфрла идеите на Трамп за раселување на Палестинците од Газа

Од:

Високиот функционер на Хамас, Сами Абу Зухри денеска изјави дека коментарите на американскиот претседател Доналд Трамп за раселувањето на Палестинците од Појасот Газа се „рецепт за хаос“, објави Гардијан.

„Сметаме дека ова е рецепт за создавање хаос и тензии во регионот“, рече Абу Зухри, додавајќи дека Палестинците во енклавата нема да дозволат да се реализираат намерите на Трамп за раселување.

Тој рече дека Палестинците бараат Израел да ја прекине окупацијата и агресијата врз нив, а не да бидат протерани од нивната земја.

Друг висок функционер на Хамас, Изат Ал-Ришк, исто така го критикуваше Трамп за неговите коментари денеска, велејќи дека Палестинците во Појасот Газа ги спречиле плановите за раселување и депортација за време на повеќе од 15-месечното бомбардирање.

„Тие се вкоренети во својата земја и нема да прифатат никакви планови кои имаат за цел да ги отстранат тие корени од нивната татковина“, рече тој.

Американскиот претседател Доналд Трамп претходно денеска ја повтори својата идеја за раселување на Палестинците од Појасот Газа, велејќи дека Палестинците од енклавата „немаат алтернатива“ освен да ја напуштат откако ќе биде уништена во израелските воени напади.

Би можело да ве интересира

Обама: САД се на пресвртница по атентатот врз Кирк

Трамп: Посетата на Велика Британија е една од најголемите почести во мојот живот

Анкета: Рејтингот на Трамп падна на ново најниско ниво

Нетанјаху: Ќе платите со живот ако им фали влакно на главата на заложниците

Шеширот и облеката на Меланија во Британија привлекоа внимание

(ВИДЕО) Трамп пристигна кај кралот Чарлс, се возеа во златна кочија, беше организирана раскошна церемонија