Официјалната веб-страница на претседателската кампања на Доналд Трамп била кратко време хакирана во средата, една недела пред изборите во САД на 3 ноември.
На сајтот неколку минути стоела порака дека „оваа веб-локација е запленета“, по што следела порака „Светот е заситен од лажни информации кои претседателот секојдневно ги шири“
Авторите на пораката тврделе дека имаат доверливи информации за Трамп и неговата Влада, и барале плаќање во криптовалута за да се открие нејзината содржина. Меѓутоа, тие не приложиле никакви докази за таквите тврдења.
Портпаролот на кампањата Трамп 2020, Тим Мурто, го потврди хакирањето на сајтот, истакнувајќи дека соработуваат со полицијата за да се најде изворот на нападот, додавајќи дека страницата повторно е во функција.