Владата на Хаити синоќа официјално го повика американскиот амбасадор во земјата да објасни зошто претседателот Доналд Трамп ги нарекол шутрачки земји Хаити, Ел Салвадор и некои африкански земји.
Амбасадата на Хаити во Вашингтон соопшти дека добила повици од Американци во Хаити кои бараат извинување од Трамп. Амбасадорот на Хаити во САД, Пол Алдидор, рече дека тој и владата на Хаити жестоко ги осудуваат вулгарните забелешки направени за време на преговорите за реформата за имиграцијата со двопартиска група на американски сенатори. Алдидор рече дека зборовите на Трамп биле напад и врз основата на стереотипи.
Американскиот претседател за време на состанокот со членовите од Конгресот го загуби трпението за време на расправата за двостраниот договор за имиграција и прашал зошто во САД им доаѓале луѓе од шутрачки земји, мислејќи на Хаити, Ел Салвадор и некои други африкански земји.