Дипломатски извори за израелскиот весник „Хаарец“, изјавија дека израелското политичко раководство би можело да го откаже или одложи планот за воено заземање на градот Газа, доколку палестинската милитантна група Хамас покаже подготвеност да направи значајни отстапки во постигнувањето договор за прекин на огнот и ослободување на заложниците.
Во исто време, весникот цитира изјави од неименувани израелски извори, кои наведуваат дека има мали шанси двете страни да успеат да ги надминат преостанатите несогласувања, објавува „Тајмс оф Израел“.
Неименувани палестински извори запознаени со прашањето изјавија за „Хаарец“ дека подготвеноста на Хамас да постигне напредок во преговорите зависи од тоа дали Израел ќе се откаже од својот план за преземање на градот Газа.