Генералниот секретар на Обединетите нации (ОН) Антонио Гутереш ја осуди ескалацијата меѓу јеменските бунтовници Хути и Израел по особено загрижувачките израелски напади на аеродромот во Сана, изјави портпаролот на ОН.
Генералниот секретар ја осудува ескалацијата.
„Израелските воздушни напади врз меѓународниот аеродром во Сана, пристаништата на Црвеното Море и електраните во Јемен се особено алармантни“, се вели во изјавата на портпаролот, пренесува Франс прес.
Израел потврди дека во четвртокот нападнал локации под контрола на Хутите, вклучувајќи го и аеродромот во главниот град Сана, каде што загинаа шест лица.
Од почетокот на војната во Појасот Газа на 7 октомври 2023 година, Хутите започнаа бројни напади врз Израел, во знак на солидарност со Палестинците.