„Состанокот во Белата куќа нуди можност и ја отвора вратата кон економскиот развој и инвестициите“, рече Риџард Гренел, претставник на претседателот на САД, Доналд Трамп за косовското прашање.
Американскиот претставник кој е задолжен од Трамп за мировните преговори помеѓу Приштина и Белград по повод претстојниот состанок во Вашингтон рече дека ова е прилика за двете страни да се вратат на тркалезна маса и на тој начин да ги отворат вратите на економскиот развој и инвестициите, пренесува српски Курир.
Гренел додаде дека народите во овој регион не заслужуваат ништо повеќе од стабилност и просперитет.
Водството на двете земји е покането на 27 јуни да дојде на состанок во Белата куќа каде ќе треба да се изнајде решение за косовското прашање.