Градоначалникот на Москва, Сергеј Собјанин, изјави дека понеделник ќе остане неработен ден за жителите на руската престолнина, иако е завршен бунтот на „Вагнер“.
Во раните утрински часови на саботниот бунт на руската платеничка армија Вагнер, Собјанин го прогласи понеделникот за слободен ден за повеќето луѓе во Москва поради безбедносни причини и побара од нив да останат дома. Одлуката беше донесена додека силите на Вагнер напредуваа во конвој кон Москва во мисија да го соборат руското воено раководство.
Во градот беа поставени контролни пунктови и затворање патишта. Бунтот беше драматичен, но краткотраен, а Пригожин се повлече откако постигна договор со Кремљ па се пресели во Белорусија во замена Москва да се откаже од неговото гонење.