Градоначалникот на Мариупол, Вадим Бојченко рече дека има уште околу 100.000 цивили во разурнатиот град, а околу 200 во фабриката за челик Азовстал, последното упориште на украинските бранители.
Руските сили ги продолжија нападите врз челичарницата откако во неделата од неа беа евакуирани околу 100 цивили.
ОН и Црвениот крст работат на нова евакуација на цивили од фабриката за челик и се надеваат дека новиот конвој за евакуација утрово може да спаси повеќе цивили од Азовстал.