Поранешниот британски премиер Гордон Браун за Би-Би-Си изјави дека Џо Бајден е некој што „ќе стори се за да ги обедини луѓето“.
Браун смета бајден меѓународниот фокус ќе го стави на глобалното здравје, економијата и „зелената револуција“.
Поранешниот лидер на лабуристите смета дека Бајден во својата работа како претседател може да направи многу работи и со извршни наредби, како што е повторното американско приклучување кон Парискиот договор, дури и доколку нема да има контрола врз Сенатот.
-Тој е еден од оние луѓе каде го добивате тоа што го гледате. Тој работи тесно со луѓето, тој е природен преговарач, рече Браун.
Браун за Би-Би-Си додаде дека Бајден веројатно ќе дојде во Велика Британија во првите шест месеци од неговото претседателствување, веројатно на самитот на Г7, но дека тоа ќе зависи од пандемијата.
-Повторно може да дојде и на самитот за климатски промени во Глазгов, рече Браун, додавајќи дека „Џо Бајден отсекогаш бил пријател на Велика Британија“.