Во Фулертон, Лос Анѓелес за првпат по 78 години се сретнаа сестри близначки Ен Хант и Елизабет Хемел, со што е постигнат нов светски рекорд.
Во април минатата година, 78-годишната Елизабет од Портланд во САД, додека ги разгледувала старите писма, пронашла едно од нејзиното родно место Алдерсхот, Велика Британија, кое што и го сменила животот.
Го зела телефонот и се јавила на бројот кој стоел во писмото, а од другата страна го слушнала гласот на нејзината одамна изгубена сестра близначка.
-Бев надвор од себе, не можев да зборувам. Сфатив дека имам сестра и дека не сум сама на светот. Бев многу среќна, немав зборови- раскажува таа.
За разлика од Ен, Елизабет знаела дека има сестра.
-Со години се молев за неа. Мислев бидејќи е посвоена, може да биде некаде во светот. Се изненадив кога дознав дека уште е во Алдерсхот- вели Елизабет.
Ен знаела дека е посвоена, но не и дека има сестра, близначка. Кога нејзината ќерка Саманта, пораснала и започнала да се интересира за семејството, Ен и дала задача да го истражи нивното потекло.
Дознале дека мајка и Александра Пејшенс Лемб, работела како готвачка кај богато семејство и дека добила вонбрачно дете, но долго не можеле да разберат на која возраст била кога се породила, ниту кога починала.
По долг временски период дошле до тие податоци, а понатамошното истражување на Саманта ги довело до нивни роднини, кои и раскажале дека баба и има ќерка во Америка.
Средбата на двете близначки ја организирала Ненси Сегал, научник која веќе 20 години се занимава со проучување на близнаци кои не пораснале заедно. Таа во сестрите гледа „научен материјал“, а претставниците од Гинисовата книга на рекорди, го забележаа нивниот случај како нов светски рекорд на разделеност на близнаци.
Е. Г.