Понудата на Гугл за преземање на медиумски содржини може да се смета за „шлаканица“ за германските медиуми, порача германското здружение за медиумски авторски права Коринт Медиа, најавувајќи продолжување на борбата за вредноста на содржините кои ги објавува Гугл.
Спорот настана по приспособувањето на германскиот Закон за авторски права со новата дигитална ера во 2020 година. Ажурираниот закон вклучува одредба според која платформите треба да им плаќаат на медиумските куќи за содржината која ја објавуваат.
Германското здружение Коринт Медиа, во кое меѓу другите членуваат и Аксел Спрингер, ВелтН24 и Рајнише Пост медиагруп, му предложи на Гугл за користење на медиумските содржина оваа година да плати 420 милиони евра.
Одговорот од Гугл на ова е контра понуда од 3,2 милиони евра, што според германското здружение, е далеки премал и може да се смета за „шлаканица за новинарите во Германија“.
Гугл, од друга страна, барањето на Коринт Медиа го оцени како „претерано“, посочувајќи дека со над 20 германски издавачи веќе имаат поединечни договори, но и дека сепак остануваат отворени за преговори.
Извор: МИА