Шефот на германската дипломатија Гидо Вестервеле денеска пристигна во посета на Израел при што е предвидено да се сретне со претседателот Шимон Перес и премиерот Бенјамин Нетанјаху.
Вестервеле треба да се сретне и со раководителите на Тел Авив и на Ерусалим, како и со другите членови на израелската Влада.
Тема на разговори ќе биде мировниот процес на Блискиот Исток, војна во Сирија и нуклеарната програма на Иран.
Вестервеле утре ќе ги посети палестинските територии, а потоа ќе отпатува за Алжир.