Германската министерка за одбрана, Анегрет Крамп-Каренбауер е во самоизолација откако дозна дека била во контакт со лице кое имало позитивен тест, соопшти денеска Министерство за одбрана на Германија.
Во соопштението се додава дека тестот на Крамп-Каренбауер бил негативен.
Мерката која предвидува четиринеделно делумно затворање на земјата започна денес, а се со цел да се забави ширењето на вирусот.
Ресторани, кафулиња, кина и други објекти за забава нема да бидат отворени до крајот на месецот.
За разлика од блокадата што беше на сила минатата пролет, овојпат училиштата, градинките, продавниците и фризерските салони остануваат отворени.
Официјални лица велат дека е неопходна поблага форма на карантин поради зголемување на бројот на случаи на инфекција.