Популарен зачинет прелив во Германија наскоро ќе се ребрендира поради расистичките конотации во неговото име.
Германската компанија за прехранбени производи Кнор ќе изврши промена на името „Zigeuersauce“ или „цигански сос“ во „Паприка сос од унгарски стил“, пренесоа германските медиуми.
„Бидејќи актуелното име на сосот може да биде толкувано на негативен начин, ние решивме да му дадема на нашиот сос ново име“, соопштија од Унилевер, компанијата која е сопственик на Кнорр.
Од фирмата велат дека познатиот сос, користен од многу германски домаќинства, наскоро ќе се појави со новото име во супермаркетите низ целата држава, но и насекаде каде производот се извезува.
Преименувањето следи по неодамнешните дебати за расизмот, особено во САД, каде големите мултинационални компании ги преименуваа производите како одговор на загриженоста за расна дискриминација.
„Зигенер“ е навредлив германски израз за малцинските групи Роми и Синти кои со векови живееле низ цела Европа и сè уште се соочуваат со дискриминација. Здруженијата на овие две малцински заедници во Германија, исто така, истакнаа дека сосот не е ниту дел од нивната традиционална кујна и дека тие со години барале името да биде отстрането.