Германската енергетска компанија „RWE“ денеска соопшти дека има намера до 2030 година односно осум години пред планираното да прекине со користењето јаглен за производство на електрична енергија.
„Ќе го завршиме производството на електрична енергија од јаглен до 2030 година, односно двојно побрзо од предвиденото“, изјави пред медиумите директорот на „RWE“ Маркус Кребер.
Министерот за економија Роберт Хабек истакна дека на тој начин ќе се заштеди емисија на 280 милиони тони јаглерод диоксид.
Меѓутоа, светските агенции потсетуваат дека соочена со енергетската криза во Европа по драстичното намалување на испораките руски гас, компанијата „RWE“ најави привремено зголемување на употребата на лигнит и на кафеав јаглен, што се големи загадувачи.
Извор: МИА