Германската разузнавачка служба БНД има докази дека џихадистите на Исламска држава (ИД) користеле хемиско оружје – иперит во Ирак, пишува денеска весникот „Билд“.
Весникот наведува дека агентите на БНД располагаат со примероци од анализата на крвта од Курди кои се повредени во судирите со џихадистите.
Директорот на БНД, Герхард Шиндлер изјави дека оваа разузнавачка агенција „има информации дека ИД користела иперит во северниот дел на Ирак“.
Тој за „Билд“ истакнал дека иперитот потекнува или од старите ирачки резерви произведени за време на владеењето на Садам Хусеин или е произведен од ИД откако ја преземала контролата врз Универзитетот во Мосул.