Германија на Сирија и продала околу 360 тони хемикалии, што можеле да бидат искористени за производство на отровен гас, а дел од нив и во текот на 2011 година, јави ДПА.
Хемикалиите, кои имаат двојна намена, затоа што можеле да се искористат како за цивилни, така и за воени цели, биле дистрибуирани од германските извозници од 1998 до април 2011 година, односно до периодот кога во Сирија започна бунтот против сирискиот претседател Баша ал Асад.
Како што информира денеска германското Министерството за економија количеството на продадените хемикалии е трипати поголемо од она што досега се тврдеше.
Претходно, Владата во Берлин информира дека од земјата во Сирија се извезвени 134 тони отровни материи и тоа само меѓу 2002 и 2006 година. Тие требало да бидат искористени во индустријата за преработка на злато, флуорирање на вода и производство на пасти за заби.