Германија од утре го презема едногодишното претседателство со Организацијата за безбедност и соработка во Европа (ОБСЕ), со која оваа година претседаваше Србија.
Официјален Берлин ќе раководи со Организацијата, која ја сочинуваат 57 земји-членки, а која се простира од Ванкувер до Владивосток.
Официјалното претседателство ќе почне со првата седница на Постојаниот совет, извршното тело на ОБСЕ, која вообичаено се одржува кон средината на јануари во Виена.
Министерот за надворешни работи на Германија Франк Валтер Штајнмаер најави на министерскиот состанок на ОБСЕ во Белград дека приоритет на Германија ќе биде јакнењето на безбедноста.