Договорот за нуклеарната програма на Иран треба да се почитува, а не да се доведува во прашање неговата реализација, истакна заменик портпаролот на германската Влада, Георг Штрајтер.
– Федералната Влада не е заинтересирана за преразгледување на договорот. Сите земји треба да работат на негова реализација, посочи Штрајтер.
Тој додаде дека Договорот постигнат во Виена во 2015 е „ефикасен инструмент за превениција од ширење на нуклеарното оружје и ја поддржува безбедноста во целиот регион“.
Трамп во вчерашното обраќање пред Генералното собрание на Обединети нации истакна дека нуклеарниот договор на Иран со шесте светски сили „е срам за САД“, додавајќи оти Вашингтон не може да го почитува договорот „доколку обезбедува покритие за евентуален развој на нуклеарната програма“.