Германија и Франција планираат да обезбедат опрема и обука за пет африкански држави со цел борба против тероризам.
Тоа го изјавија денеска германскиот и францускиот министер за одбрана, Урсула фон дер Лајен и Жан-Ив ле Дријан.
Мавританија, Мали, Буркина Фасо, Нигер и Чад ќе бидат во фокусот на иницијативата, јави ДПА.
– Целта е тие држави да бидат доволно силни во иднина за да може подобро да ја гарантираат безбедноста, изјави германскиот министер за одбрана.
Францускиот минстер, пак, додаде дека со тоа би се бранела и европската безбедност. Петте држави формираа организација Сахел Г5 со цел заедничка борба со тероризам и соработка во областа на безбедноста.