Земјите членки на Европската Унија посериозно од кога било размислуваат како да ја искористат крајната рестриктивна мерка против Унгарија – повлекување на гласачкото право според член 7 од Договорот за ЕУ, пишува „Гардијан“.
Земјите од Европската Унија (ЕУ) размислуваат да и го одземат правото на глас на Унгарија, откако таа се обиде да ја блокира поддршката за Украина, пишува „Гардијан“.
„Земјите членки на Европската Унија размислуваат посериозно од кога било како да ја искористат крајната рестриктивна мерка против Унгарија – повлекување на гласачкото право според член 7 од Договорот за ЕУ“, се вели во извештајот.
Сепак, се додава дека извори запознаени со ситуацијата веруваат дека ќе биде невозможно да се спроведе планот, бидејќи за тоа ќе биде потребна едногласна одлука од преостанатите 26 членки на ЕУ.
„Некои веруваат дека губењето на избирачкото право ќе се случи само доколку Унгарија се обиде да стави вето на продолжувањето на санкциите кон Русија“, додава британскиот весник Гардијан.
Имено, претходно се дозна дека официјална Будимпешта донела одлука за одржување референдум за евентуален влез на Украина во ЕУ. На гласачките ливчиња се поставува прашањето: „Дали го поддржувате влезот на Украина во ЕУ?“.
Соодветни плакати се поставени низ целата земја.
„Да не дозволиме тие да одлучуваат наместо нас“, гласи слоганот на кој се појавуваат Володимир Зеленски, претседателката на Европската Комисија Урсула фон дер Лајен и лидерот на Европската народна партија во Европскиот парламент Манфред Вебер.
Сепак, и покрај неутралната природа на прашањето, унгарските власти не стојат настрана, а премиерот на земјата Виктор Орбан ги повика луѓето да гласаат.
Според експертите, таквиот став на Унгарија може сериозно да ги заостри нејзините односи со Европската унија.
Унгарскиот премиер на крајот на март рече дека поканата на земјите од ЕУ до населението на Унијата да си обезбедат храна и други потреби за 72 часа значи дека тие самите бараат пошироко учество во конфликтот во Украина.
Освен тоа, Орбан ги повика Унгарците да не ги слушаат препораките на Европската Комисија.