Американскиот државен секретар Џон Кери во Стејт департментот одржал говор во кој ги пофалил напорите на американските дипломати за изградба на демократски институции во непостоечка држава – Кирзакастан, објави британски Телеграф.
Во Стејт департментот објаснуваат дека тој мислел на Киргистан, поранешна сиромашна советска република со население од 5,5 милиони жители, а ја „побркал“ со киргистанскиот богат сосед – Казахстан (16,9 милиони жители).
Киргистан е клучен американски сојузник во борбата во Авганистан, и една од државите кои добиваат најмногу финансиска помош од Вашингтон (41 милиони долари во 2011 година).