Г7: Неодговорната нуклеарна реторика на Русија и нејзината закана да распореди нуклеарно оружје во Белорусија се неприфатливи

Од:

Министрите за надворешни работи на групата седум најразвиени земји (Г7) ги осудија неодамнешните најави на Русија за стационирање нуклеарно оружје во Белорусија како „неприфатливи“ и ја повикаа Кина да дејствува како одговорна членка на меѓународната заедница.

Во соопштението за печатот по тридневната средба во јапонското одморалиште Каруизава, министрите нагласуваат дека во центарот на вниманието на средбата биле руската воена интервенција во Украина и стравот од слични акции на Кина против Тајван.

„Неодговорната нуклеарна реторика на Русија и нејзината закана да распореди нуклеарно оружје во Белорусија се неприфатливи“, велат тие.

– Секоја употреба на хемиско, биолошко или нуклеарно оружје од страна на Русија ќе биде проследена со тешки последици, додаваат тие.

Рускиот претседател Владимир Путин минатиот месец изјави дека Русија ќе стационира таканаречено тактичко нуклеарно оружје со краток дострел на територијата на соседна Белорусија. Москва тврди дека била принудена на овој потег поради проширувањето на НАТО алијансата кон руските граници.

Министрите за надворешни работи на Г7 го повторија својот повик до Кина да дејствува како одговорен член на меѓународната заедница, согласувајќи се дека мирот и безбедноста во Тајванскиот теснец се клучни и се спротивставуваат на милитаризацијата на Пекинг на Јужното Кинеско Море.

Средбата се одржа пред самитот на лидерите на Г7 во Хирошима во мај. Покрај Јапонија, Г7 ги вклучува и Обединетото Кралство, Канада, Франција, Германија, Италија и САД.

Би можело да ве интересира

Европските лидери се собраа во Париз и испратија порака до Путин и Украина: „Русија не смее да победи“

Обединетите нации се во ќорсокак, потребни се промени призна Гутереш

Пендаровски: Исходот од војната во Украина ќе влијае врз поредокот и меѓународните односи во иднина

Катерина Ѓуровски

Земјотрес со јачина од 5,8 степени по Рихтер ја погоди границата меѓу Киргистан и Кина

(ВИДЕО) Голем пожар во Кина, загинаа најмалку 15 лица, 44 се повредени

Горан Наумовски

(ВИДЕО) Експлозии во руска фабрика: Погодена челичарницата на еден од најбогатите Руси

Горан Наумовски