Францускиот министер за одбрана Жан-ив Ле Дриан повика за актовности во Сирија, кои ќе помогнат за транзиција без учество на сирискиот претседател Башар ал Асад, јави БТА.
Ле Дриан се обрати во Абу Даби на конференција за одбранбените прашња во Персискиот Залив.
– Сирискиот народ веќе плати висока цена, така што повеќе од кога било е потребно итно дејствување за надминување на поделбите во корист на политичката транцизија, изјави Ле Дриан.
Според францускиот министер промените во Сирија треба да бидат процес во кој нема место за сирискиот претседател Башар ал Асад.
Претходно и сириската опозиција истана дека секој дијалог за наоѓање решение на сириската криза треба да го исклучи претседателот Асад и водечките луѓе од неговиот режим.