Сите учесници во насилството меѓу Израелците и Палестинците во Појасот Газа треба да покажат воздржаност, повика француското Министерство за надворешни работи.
Портпаролот на француското МНР, Ромен Надал потврди дека Франција ја отфрла секоја форма на насилство и ги повика страните во конфликтот да покажат воздржаност.
Израел започна голема офанзива во Појасот Газа со образложение дека сака да стави крај на ракетните напади врз јужниот дел на Израел. Во последните неколку недели врз Израел од Појасот Газа биле истрелани околу 300 ракети, тврди израелската армија.