ИСИС ја презеде одговорноста за терористичките напади во Франција, но изјавата на исламскиот свештеник и еден од лидерите на Исламска држава, Абу Саад ала Ансари дека „Франција е почеток“ предизвика страв дека теророт може да продолжи.
-Започнавме операција во Франција, за која презедовме одговорност. Утре ќе биде во Британија, САД и на други места. Тоа е порака до сите држави кои учествуваат во коалицијата, која ја предводи Америка, а која убива членови на Исламска држава-рече Ансари на богослужбата во ирачкиот град Мосул, кој што е под контрола на ИСИС, пренесе израелскиот весник „Хаарец“.
Светските агенции наведуваат дека без оглед на тоа што експерти укажаа на можност од преземање на одговорност за нападите во Франција, ИСИС само сака да постигне пропаганден ефект и нема сомнеж дека на тоа имаат влијание и активностите на француските воени сили во Африка и Азија во рамките на НАТО.
Е. Г.