Франција ќе ги укине визните ограничувања за Мароканците

Од:

Франција ќе ги отстрани визните ограничувања за мароканските граѓани, најави француската министерка за надворешни работи Кетрин Колона за време на посетата на Мароко.

Според медиумите, објавата се толкува како знак на затоплување на односите меѓу северноафриканската земја и нејзиниот некогашен колонијален господар по повеќе од една година тензии.

– Презедовме мерки со нашите марокански партнери за да ги обновиме конзуларните односи, рече француската министерка за надворешни работи по вчерашната средба во Рабат со нејзиниот марокански колега Насер Бурита.

Минатата година, Франција го ограничи бројот на визи што ги издава за граѓаните на Мароко и уште две нејзини поранешни колонии во Северна Африка – Алжир и Тунис. Причината беше одбивањето на овие три земји да ги примат назад своите државјани кои живеат илегално во Франција. Франција ја донесе одлуката под притисок на јавното мислење за преземање мерки за ограничување на илегалната имиграција.

Извор: МИА

Би можело да ве интересира

Русија: Франција и Обединетото Кралство подготвуваат планови за воена интервенција во Украина

Франција на граѓаните им испраќа и „прирачник за преживување“ во случај на војна

Бела куќа: Апсолутно е невозможно САД да ја вратат Статуата на слободата во Франција

Став на Франција за царините на Трамп: Нашиот одговор може да оди чекор понатаму

Песков ја обвини Франција за лаги и кршење на договорите од Минск

Истражување: 73 отсто од Французите велат дека САД повеќе не се сојузници на Франција