При посетата на аердоромот Роаси, во Париз, францускиот премиер Жан Кастекс најави дека тестовите за коронавирус ќе бидат задолжителни за сите патници кои доаѓаат од ризичните земји, вкупно шеснаесет, јавува МИА.
Одлуката за заострување на мерките за влез на француска територија е донесена на последната седница на Советот за одбрана, посветена на ширењето на коронавирусот во светот.
Оваа општа мерка за тестирање на патниците при пристигнувањето на аеродромите, премиерот Кастекс ја најави поради тешкотиите да се направат тестови во одредeни земји. Оваа мерка се однесува на патниците кои доаѓаат од 16 земји ставени на „црвената листа“, Северна Македoнија не е на оваа листа, но тука се соседна Србија, Црна Гора и Турција, меѓу другите.
За француските државјани кои живеат во овие земји и кои исто така имаат главно живеалиште во Франција, исто така, ќе бидат задолжителни тестовите.
Шефот на француската влада, исто така, ги посоветува сограѓаните да не патуваат во Каталонија, шпанската област на границата со Франција, каде епидемијата се разгорува во последните недели.