Во организација на Институтот за ориентални јазици и цивилизации во Париз, денеска почнува тридневниот саем за Балканските книжевности и култури на кој учествуваат триесетина писатели, издавачи и културни работници од сите балкански земји.
Како што соопшти Универзитетот за аудиовизуелни уметности (ЕСРА), оваа година Франција ќе му оддаде последна почит на уметничкото дело на прерано починатиот, врвен македонски режисер Владо Цветановски, со специјален филм подготвен од ЕСРА Париз-Скопје-Њујорк и Факултетот за драмски уметности, во кого се содржани најзначајните претстави во неговата тридецениска кариера.
Филмот ќе биде прикажан денеска во Големиот амфитеатар на Институот за ориентални јазици и цивилизации, а на 25 ноември во 20:00 часот во познатиот париски театар Ле Палас, ќе се прикаже телевизиската снимка од неговата последна претстава „Архелаос или Еврипид се враќа на Балканот”, во изведба на Драмскиот театар од Скопје, која е и уметнички тестамент во неговот творештво, за вклучувањето на балканските култури во шириоката европска фамилија.